Sincerely,

papaberns

Dumating ako sa website na ito sa paghahanap ng mga games, applications, at themes para sa aking bagong Nokia 6300. Puro download lamang ako ng mga panahong iyon, hindi ko inaasahan na hindi lamang pala ito ang aking mahahanap, natuto rin akong makihalubilo sa mga miyembro nito, nakahanap pa ako ng mga bagong kaibigan at mga itinuturing kong mga kapatid, sina ate JenG na una kong nakilala, balahuba, na kapwa ko S40 user, si juliankreuz na gumawa ng paraan para mapagana sa S40 ang Unlimited Browsing Technique, at sino paba ang hindi nakakakilala kay master aED na nagbigay daan sa mobile application cracking at marami pang iba. Lahat sila ay aking nakasalamuha.

Nabuksan ng forum na ito ang mga itinatago kong kakayahan, nahikayat nila akong gumawa ng sarili kong themes, at napaghusayan ko ito sa pagdaan ng mga araw. Marami akong nakuha at natutunan sa ilang buwang pakikihalubilo ko sa kanila, ilan sa mga yan ang matinding pagkaaibigan kahit hindi kami nagkikita, naramdaman kong kabilang talaga ako sa pamilyang ito.

Hindi lamang mga games at applications para sa mobile phone tulad ng nokia, sony ericcson, samsung, motorola, uiq phones, pocket pc at iphone ang mahahanap rito. Meron ding para sa computer, games ng psp, mp3‘s for ipod, wallpapers, videos, at e-books. Dito ko nga nakuha ang Harry Potter book 7 eh.

Kaya kung Pilipino o Pinoy ka, sali kana rito!

Sariwang-sariwa ko pa noon ang mga alaala ng pagsusulat. Naalala ko ang mga oras na gumagawa ako ng articles tungkol sa UAAP. Nahihirapan ako noon sa paggawa ng lead dahil sa unang sabak ko noon sa mundo ng journalism.

UE at La Salle ang finals noong nakaraang taon, matindi ang laban dahil pareho silang karapat-dapat sa finals, nanalo ang La Salle. Muling nagkita ang magkaribal na school ngayong taon, muling bumalik sa finals ang Ateneo at defending champion – ang La Salle.

Sa dyaryo ko lang nabasa na finals na pala. Nanood ako kahapon ng finals kung saan nanalo ang Ateneo. Bumalik sa isip ko yung mga araw na sinusubaybayan ko ang finals nito. Ang galing ng center ng Ateneo na siyang naging dahilan ng pagkapanalo.

Aabangan ko ang Game 2. Manood din kayo hah.

Kilala niyo siguro si Michael Phelps na naging Greatest Olympiad dahil sa pagkamit ng 8 gintong medalya sa Olympics. Teka nga, kung mambabasa ko kayo at hindi niyo alam ang ibig sabihin ng Olympics, idiot ka, magsearch ka sa google at mabasa ka! Yun yung maraming bilog na parang mga barya! lols.

Ang galing nitong si Phelps. Napakagaling nia. Biro mo walong ginto! Tumataginting na walong ginto! Pwede mo na yung ipakilo at ibenta sa junkshop.

Pero seryoso, idol ko itong si Phelps. Kung mababasa mo ito Phelps at maintindihan mo ang mga sinasabi ko, huwag kang mainis, ganito lang ako magmahal. Sana makilala kita at maturuan mo akong lumangoy ng backstroke, breaststroke, at butterfly dahil langoy aso lang ang alam ko sa ilog lang ako nakakalangoy.

Natural, wala pa rin akong mga bisita. Ahy, meron na pala. Kachcheck ko lang ngayon ng blog stats ko at halos 8-20 pageviews ang natanggap ko magmula ng lumayas ako rito.

Maraming salamat sa mga bumibisita rito.

tignan niyo na lang ang lumabas sa blog stats ko kanina.

ginawang forest ng mokong na dumayo sa rito ang blog ko. sana naman ay nag-isip muna siya dahil ang blog ko ay puro walang kwenta ang laman. sa kabilang dako, nagpapasalamat ako dahil dumayo siya. lols!

Nung umaga pa lang ay sinabihan na nila ako na pumunta. Binabalak ko ng pumunta pagkatapos ng NSTP kasama ang aking mga kaklase subalit, datapwa’t, ngunit ay nagkaroon ako ng meeting. Gusto kong hintayin nila ako para sabay-sabay na kaming pumunta pero paksyet sila dahil hindi na nila ako hinintay, umuwi na sila.

Pagkatapos ng meeting ay dali-dali na akong umuwi, hindi pa ako na nanghalian sa mga oras na iyon kaya gutom na gutom na ako. Inakala kong hindi na ako makakapunta sa b-day dahil hindi sila nagtext. Ngunit pagkarating ko ng bahay ay natanggap ko ang text kaya pumunta na ako agad. Hindi na nga ako nakapagpalit pa ng damit, itinapon ko na rin ang aking dalang bag sa kama at umalis.

Habang alp ay nasa daan, bumuhos ang ulan at nastranded pa ako. Pinapawisan ako sa mga oras na iyon dahil binilisan kong maglakad at kinakabahan pa ako ng hindi makapunta. Pumunta ako sa simbahan at doon ay hinintay ko na ang susundo sa akin. Dumating siya, ngunit paksyet na walang payong. lols! Tumakbo kami papunta sa bahay nila dahil malapit lang naman. Buti na nga lang ay dumating ang kapatid ni bespren na may dalang payong kaya nakarating kami ng hindi basa.

Nagkaroon muna kami ng kamustahan at kwentuhan sa loob. Andun ang 4 pang kaklase kaya naging masaya. Asaran kami, barahan at chismisan. Pagkatapos nun ay kumain na kami. Kinantahan pa namin ang may b-day para naman mas masaya. Matapos pa ang ilang kwentuhan ay nagpsya na kaming umuwi.

Pinasalamatan namin ang kanyang mga magulang at umalis. May pupuntahan pa pala silang b-day dahil kaarawan din ng isa naming kaklase nung hayskul. ako naman ay hindi na sumunod dahil may pinuntahan pa akong mahalagang appointment.

Para kina ate bevs at kay jeanneth.. HAPPY KAARAWAN sa inyo!

Mula ng inilunsad ko ang blog na ito, wala sa isip ko kung ano ang magiging laman nito o ang mga magiging entry ko. Hindi ko nga alam kung saan patutungo ang blog na ito dahil wala akong alam sa pagsusulat ng mga magagandang entry.

Sa tagal ng aking blog, halos walang bumibisita sa aking blog. Almost 5-20 pageviews lang ang aking natatanggap at nakakababa ito ng kumpiyansa sa sarili. Totoong hindi maganda ang laman ng blog ko. Tagalog ang mga post ko at puro pinoy lang ang nakakaintindi. Dahil dito, pinalitan ko ang description ng blog ko at isinabay ko sa nararamdaman ng blog ko ngayon…

Sa kabilang dako, nais kong magpasalamat sa mga taong bumisita sa aking blog. Maraming salamat sa inyo.